潮系好贵噶
系呢个男仔画眼线，女仔会铲青既年代，我点都做唔到“潮”啊…究其原因呢，因为我真系唔够格咯。
有D嘢，你真系要有个格先系潮得起噶~
嗱，你睇下周柏豪有几型，你见到佢型，学晒佢咁留长发同埋学佢打扮，咁结果就极度样衰啦…
呢D其实唔系carry唔到，身材唔好，成头系草，想扮鬼佬，唔肯带帽，甩毛太早，周身淘宝…
因为呢个系东施效颦，系dontseehow贫
即系：你，唔知道自己有几穷…
而我讲紧既呢个格，唔系讲紧人格或型格
系价格
因为潮流贵呢，其实系有原因既，唔系点解“潮流”两字三点水？无水你点潮呢~
佢贵目的呢，就系要设置一个门槛，来真正筛选所谓D潮流亦即系区分咩系潮，咩系流…
我有次行过某间潮流服饰店，佢哋卖紧一件纯白色既T，心口加咗黑色既一点！！粒点甚至仲要唔系好大~
着起身既话远睇好似有三粒乳头添…
唔该蚊哈，间店门口仲要排长龙…
我就胆粗粗走过去问个sales：“喂，呢件卖啊？”
个sales话：“系呀，因为心口污糟咗，所以先至半价卖咯…”
果野就即刻将我同潮流区分咗啦~~嗱，你睇一件潮流铺头卖既白色T同普通白色T，唔同既地方就系佢浸味！
品味咯
但系咁昂贵既价格系有道理既，因为要潮，系会对呢个世界带来好大破坏噶，唔明？咁就要解释下啦：
话说好多年前好兴既飞轮海头，无数男士想办法冚住个额头，系冚得越多越好~~
潮流一转，依家无数男士想办法露出个额头，系露越多越好，呢D咪叫焦头烂额，唔系，gel头露额咯~
gel头用咩啊，梗系发胶、发蜡、定型喷雾咯，呢D嘢全部都系破坏臭氧层同埋加速地球温室效应从而导致海平面上升既嘢来噶！！
你系呢度gel头，果边马尔代夫就水浸冚国惨啊…
所以呢，潮，系好贵噶~
白癜风多久能治好白癜风的治疗方法有哪些转载请注明：http://www.yuncaibanjia.com/fjpp/1133.html
